Kundëradmirali Iranian Shamkhani: Vrasja e Fakrizadeh “komplekse”. Fajtorë terroristët e MEK-ut dhe Izraeli

Kundëradmirali Iranian Shamkhani: Vrasja e Fakrizadeh “komplekse”. Fajtorë terroristët e MEK-ut dhe Izraeli
2020/12/01 05:12

 Sekretari i Këshillit Supreme të Sigurisë së Iranit, kundëradmirali Ali Shamkhani that të hënën që shkencëtari bërthamor Monsen Fakrihzadeh u vra gjatë një lloji të ri “operacioni kompleks”. Ai fajësoi për vrasjen entitetin sionist dhe një grup terrorist në mërgim për këtë sulm.

“Operacioni ishte mjaft kompleks me përdorimin e pajisjeve elektronike. Në vendngjarje nuk gjendej askush” tha Shamkhani.

MEK (Muxhahedinët e Popullit Iranian) padyshim që kanë dorë në këtë vrasje së bashku me regjimin sionist dhe Mossad-in, tha Shamkhani duke iu referuar agjencisë izraelite të zbulimit.

“Armiku përdori një metodë komplet të re profesionale dhe të specializuar dhe ia arriti qëllimit.” Shtoi ai pa e saktësuar se cfarë armësh u përdorën.

Shamkhani i bëri këto komente gjatë një video-interviste për televizionin shtetëror dhe Agjensinë e Lajmeve Fars.
Agjensia Fars nga ana e saj pretendoi se sulmi u krye me anë të një mitrolozi të telekomanduar të fiksuar në karrocerinë e një kamioncine të hapur.

Presidenti iranian Rouhani të shtunën kishte akuzuar entitetin sionist se punonte si “mercenar” për SHBA-në duke kryer këtë vrasje.

Fakrizadeh u martirizua të premten duke ndërruar jetë në spital nga plagët e marra, sipas Ministrisë së Mbrojtjes të Iranit. Në një komunikatë të saj kjo ministri shpjegonte se sulmuesit shenjëstruan makinën dhe u përfshinë në një shkëmbim zjarri me truprojet e shkencëtarit jashtë kryeqytetit iranian.

Raportimet perëndimore dhe izraelite e drejtonin gishtin drejt entitetit sionist, ndërsa citonin burime të ndryshme diplomatike, duke theksuar se ky shkencëtar i portretizuar si “babai” i programit bërthamor të Iranit ka pas qenë shënjestruar nga regjimi izraelit, që prej njëzet vjetësh.

MEKPMOIMKOMujahideenAlbaniaMassoud RajaviMaryam Rajavi
اكتب تعليقك على هذا المحتوى أو المقال
te lutem prit
Mesazhi (komenti) juaj është dërguar me sukses